Pajhe en fesajhe, d'àutres assaventements arivant bétout...

Le colécti égourmi in lian sensiblle entr la jhéne criaciun, çhéle-la-la çhi loghe pa su lés pllateas éstitutionnels é çhi ét en danjhàe aneùt ; é pi le péyis çhi nou z-açheùlle, sun biotope, le vivant çhi y demure, sés tradiciuns é sés coutumes d’antan.

I métun totes noutre capablletai é noutre savencetai pr çhau lian : i sun de la campagne é i y rechtun. I égourmissun lés capablletaies artistique, téchniques, amenistracives de chaquin. I acotun la rencuntre entr nos arentéles de parçounerie, é le comeyajhe d'afaeres qui nous braçant trtout·e·s.

« Tessàe dau lian, bufàe dau sens, ouvri au coumun.
Retornàe jhitràe sun istoere, coume o barre la porte su sae.
Ol oghit in tenp voure que te savi aemàe qu’ét qu’o serat jhamae a tae.
Z-ou aparténdre »
Juliette Rousseau, Péquenaude

O fét que le colécti s’en retorne demeùràe cha étai, ine granjhe pardue den le boucajhe, ine pràie d'arboulajhes, in bout de chemin creùs, ine doue entr lés grnolles pi lés voléts.

S’agrouàe entour ine maeme tabllàie, pi y créàe, grafougnàe, alenàe, écoutàe, argardàe pi partajhàe. Ol ét que daus jhésces que le colécti espérimente pr émajhinàe lés rituels d’ine relaciun sensiblle au marea, au péyisajhe, à la mésun.

« L’éspérience estétique çhi fét d’in marea in péyisajhe oubé d’in péyisajhe in marea, ol ét ine boune façun de divrti aus roumantiques é aux patauds, l'aver de l’amour daus mareas, é de sacàe den chéle amour, daus entrmissiun queme l'atentement, l’argardure, l'ençhéte.  »
Joëlle Zask, Se tenir quelque part sur terre : comment parler des lieux qu’on aime